2021-2024
პროექტის მიზანია წყლის რესურსების უფრო მდგრადი გამოყენების მხარდაჭერა, წყლის გაუმჯობესებული პოლიტიკისა და პრაქტიკის მეშვეობით და დაეხმაროს წყლის ხარისხსა და ეკოსისტემებზე ადამიანის საქმიანობის უარყოფითი ზემოქმედების შემცირებას; გააფართოვოს და გააუმჯობესოს პარტნიორი ქვეყნების მიერ გარემოსდაცვითი სტატისტიკის გამოყენება და უზრუნველყოს შესაბამისი მონაცემების უფრო მეტი ხელმისაწვდომობა გადაწყვეტილების მიმღებ პირებსა და მოქალაქეებისთვის. პროგრამა მიზნად ისახავს ადამიანთა კეთილდღეობის გაუმჯობესებას ევროკავშირის აღმოსავლეთ პარტნიორ ქვეყნებში და მათ მწვანე ტრანსფორმაციას ევროპის მწვანე შეთანხმებისა და მდგრადი განვითარების მიზნების (SDGs) შესაბამისად.
პროექტში მონაწილე ქვეყნები: საქართველო, აზერბაიჯანი, სომხეთი, უკრაინა და მოლდოვა.
2016-2020
ENI SEIS II East პროექტის მიზანს წარმოადგენს აღმოსავლეთ პარტნიორობის ექვს ქვეყანაში ერთიანი გარემოსდაცვითი საინფორმაციო სისტემის (SEIS) პრინციპებისა და პრაქტიკის განხორციელების მხარდაჭერა. პროექტის ფარგლებში, ევროპის გარემოს დაცვის სააგენტოს (EEA) ტექნიკური და ფინანსური მხარდაჭერით, შეიქმნა საქართველოს წყლის საინფორმაციო სისტემა.
პროექტში მონაწილე ქვეყნები: საქართველო, აზერბაიჯანი, სომხეთი, უკრაინა, ბელარუსი და მოლდოვა.
2016-2020
პროექტის მიზანია აღმოსავლეთ პარტნიორობის ქვეყნებში ხელი შეუწყოს წყლის რესურსების ინტეგრირებული მართვის მიმართულებით რეფორმების განხორციელებას. პროექტის კონკრეტულ ამოცანას წარმოადგენს პროექტში მონაწილე ქვეყნების მხარდაჭერა მათი ეროვნული პოლიტიკისა და სტრატეგიების ევროკავშირის წყლის ჩარჩო დირექტივასა და სხვა მრავალმხრივ გარემოსდაცვით ხელშეკრულებებთან თანხვედრაში მოყვანაში.
პროექტში მონაწილე ქვეყნები: საქართველო, აზერბაიჯანი, სომხეთი, უკრაინა, ბელარუსი და მოლდოვა.
2016-2020
პროექტი ხორციელდება საქართველოსა და აზერბაიჯანის მთავრობებისა და შესაბამისი სამინისტროების მონაწილეობით. პროექტი ხელს უწყობს სამინისტროების დონეზე არსებული სტრატეგიული სამოქმედო გეგმის [Strategic Action Plan (SAP)] განხორციელებას, წყლის რესურსების მართვის ინტეგრირებული გეგმის შემუშავებას და ტრანსასაზღვრო მიწისქვეშა და ზედაპირული წყლების გონივრული მართვის პროგრამის ამოქმედებას.
2014-2019
პროექტი მიზნად ისახავდა საქართველოს მთავრობის მხარდაჭერას საკანონმდებლო და მარეგულირებელი რეფორმების სამართლიანად და გამჭვირვალედ დაგეგმვის და განხორციელების პროცესში. პროექტის ერთ-ერთ კომპონენტს წარმოადგენდა წყლის რესურსების მართვის გაუმჯობესება საქართველოში.
2012-2016
პროექტის ამოცანებს წარმოადგენს: ტრანსსასაზღვრო მდინარეების აუზებზე, მიწისქვეშა წყლების ჩათვლით, ეკოლოგიურ, ქიმიურ და ჰიდრომორფოლოგიურ მონაცემთა ხარისხისა და ხელმისაწვდომობის გაუმჯობესება და სააუზო მართვის გეგმების შემუშავება შერჩეული აუზებისთვის.
პროექტში მონაწილე ქვეყნები: საქართველო, აზერბაიჯანი, სომხეთი, უკრაინა, ბელარუსი და მოლდოვა.
2013-2015
ალაზანი/განიხის აუზის ურთიერთკავშირის შეფასების მიზანს წარმოადგენდა საქართველოსა და აზერბაიჯანს შორის ტრანსსასაზღვრო თანამშრომლობის მხარდაჭერა წყლის, ენერგიის, საკვების და გარემოსდაცვით სფეროებში ინტეგრირებული პოლიტიკის შემუშავებისა და გადაწყვეტილებების მიღებისთვის ცოდნის ბაზის გაძლიერება.
პროექტში მონაწილე ქვეყნები: საქართველო და აზერბაიჯანი.
2010-2015
პროექტის მიზანს წარმოადგენდა საუკეთესო გამოცდილების გამოყენებით, არსებული ბუნებრივი რესურსების მართვისა და დაცვის მიზნით, წყალშემკრები აუზების ინტეგრირებული მართვის მეთოდოლოგიის განვითარება და ამავე მიმართულებით შესაბამისი ინსტიტუციების შესაძლებლობების გაძლიერება.
4 პილოტი წყალშემკრები აუზი არჩეულ იქნა მდინარე ალაზანი-იორისა და მდინარე რიონის აუზებიდან.
2010-2011
ENVSEC-ის პროექტის საშუალებით, ეუთომ და გაეროს ევროპის ეკონომიკურმა კომისიამ (UNECE) მხარდაჭერა აღმოუჩინა საქართველოს UNECE-ის წყლის კონვენციასთან მიერთებისთვის საჭირო ლეგალური, ინსტიტუციური და ფინანსური საჭიროებების იდენტიფიცირებაში. გარდა ამისა, გარემო და უსაფრთხოების ინიციატივა, ასევე, დაეხმარა აზერბაიჯანსა და საქართველოს მდინარე მტკვრის აუზზე ორმხრივი შეთანხმების პროექტის მომზადებაში.
2008-2011
პროექტი მიზნად ისახავდა ტრანსსასაზღვრო თანამშრომლობისა და სააუზო მართვის მიდგომის საშუალებით მდინარე მტკვრის წყლის ხარისხის გაუმჯობესებას. პროექტი ქვეყნებს ეხმარებოდა წყლის ხარისხის მონიტორინგისა და შეფასების ერთობლივი მიდგომის განვითარებაში ევროკავშირის წყლის ჩარჩო დირექტივის (WFD) მეთოდოლოგიების შესაბამისად.
პროექტში მონაწილე ქვეყნები: საქართველო, აზერბაიჯანი, სომხეთი.
2008-2010
პროექტი მიზნად ისახავდა აღმოსავლეთ ევროპის, კავკასიისა და ცენტრალური აზიის ქვეყნების მხარდაჭერას ევროკავშირის სტანდარტებთან დაახლოებაში და ასევე, მათ დახმარებას სააუზო მართვის გეგმების განვითარებისთვის საჭირო პროცედურების განხორციელებაში.
პროექტში მონაწილე ქვეყნები: საქართველო, აზერბაიჯანი, სომხეთი, უკრაინა, ბელარუსი და მოლდოვა.
2007-2009
პროექტი მიზნად ისახავდა მდინარე მტკვარ-არაქსის აუზის მდგრადი მართვისთვის „საგზაო რუკის“ შემუშავებას, პროექტის მონაწილე ქვეყნებში ევროკავშირის წყლის ჩარჩო დირექტივის პრინციპების დანერგვის მიზნით.
პროექტში მონაწილე ქვეყნები: საქართველო, აზერბაიჯანი, სომხეთი.
2005-2008
პროექტი მიზნად ისახავდა მონაწილე ქვეყნების მხარდაჭერას ტრანსსასაზღვრო მდინარეებში წყლის ხარისხისა და რაოდენობის ერთობლივ მონიტორინგში, წყლის ხარისხის მონიტორინგის პროცესში გეოსაინფორმაციო სისტემების (GIS) დანერგვაში, სამ ქვეყანას შორის ინფორმაციის მიმოცვლაში და მდინარის აუზების ინტეგრირებულ მართვაში.
პროექტში მონაწილე ქვეყნები: საქართველო, აზერბაიჯანი, სომხეთი.
2004-2007
პროექტების ზოგიერთი მიზანი მიმართული იყო აუზის ტრანსსასაზღვრო მართვის მიმართულებით საჭიროებების დადგენასა და მდინარის აუზის მართვის ოპტიმალური ინსტიტუციური მოდელის იდენტიფიცირებაზე.
პროექტში მონაწილე ქვეყნები: საქართველო, აზერბაიჯანი, სომხეთი.
2003-2006
პროექტი მიზნად ისახავდა მდინარე მტკვრის აუზში, ტრანსსასაზღვრო კონტექსტში, ავარიებისა და საფრთხეების თავიდან აცილებას და ამ მიმართულებით ქვეყნებისთვის შესაძლებლობების გაძლიერებას.
პროექტში მონაწილე ქვეყნები: საქართველო, აზერბაიჯანი, სომხეთი.
2002-2008
პროექტი მიზნად ისახავდა ტრანსსასაზღვრო მდინარეების ხარისხისა და რაოდენობრივი მონიტორინგისთვის სოციალური და ტექნიკური ინფრასტრუქტურის შექმნას, წყალშემკრები აუზების მართვის სისტემისა და მონაცემების ერთობლივი გამოყენების ხელშეწყობას, და მონაწილე ქვეყნებისთვის ერთობლივი მართვის მეთოდოლოგიის განვითარებას.
პროექტში მონაწილე ქვეყნები: საქართველო, აზერბაიჯანი, სომხეთი.
2002-2004
პროექტი მიზნად ისახავდა ადგილობრივ დონეზე მდინარის აუზების ინტეგრირებული მართვის პროცესის დემონსტრირებას და შესაძლებლობების განვითარებას ამ მიმართულებით.
პროექტში მონაწილე ქვეყნები: საქართველო, აზერბაიჯანი, სომხეთი.
2001-2003
პროექტი მიზნად ისახავდა გაეროს ევროპის ეკონომიკური კომისიის (UNECE) სახელმძღვანელო პრინციპების დანერგვას ტრანსსასაზღვრო მდინარეების მდგომარეობის მონიტორინგისა და შეფასების მიმართულებით და ეხმარებოდა ქვეყნებს წყლის რესურსების მართვის კუთხით არსებული ტრანსსასაზღვრო პრაქტიკის მიმოხილვასა და შეფასებაში.
პროექტში მონაწილე ქვეყნები: საქართველო, აზერბაიჯანი, სომხეთი.
