თემები

საქართველოს გარემოს დაცვის მოქმედებათა მეოთხე ეროვნული პროგრამა (NEAP) წარმოადგენს ქვეყნის მთავარ სტრატეგიულ დოკუმენტს გარემოსა და ბუნებრივი რესურსების მართვის სფეროში. დოკუმენტის შემუშავების სამართლებრივ საფუძველს ქმნის საქართველოს კანონი „გარემოს დაცვის შესახებ“ (1996). კანონის მიხედვით, გარემოს დაცვის მოქმედებათა ეროვნული ხუთწლიანი პროგრამის მომზადება განეკუთვნება გარემოს დაცვისა და სოფლის მეურნეობის სამინისტროს კომპეტენციას, ხოლო დოკუმენტს ამტკიცებს საქართველოს მთავრობა (მუხლი 13 და მუხლი 15). გარემოს დაცვის მოქმედებათა ეროვნული პროგრამის შემუშავების მნიშვნელობა ხაზგასმულია საქართველო-ევროკავშირს შორის ასოცირების შესახებ შეთანხმებაში, რომლის 304-ე მუხლის თანახმადაც საქართველოსა და ევროკავშირს შორის თანამშრომლობა, სხვა საკითხებთან ერთად, ითვალისწინებს აღნიშნული დოკუმენტის შემუშავებასა და პერიოდულ განახლებას.

ჩამოტვირთეთ 2022-2026 წლებისთვის საქართველოს გარემოს დაცვის მოქმედებათა მეოთხე ეროვნული პროგრამა

საქართველოს გარემოს მდგომარეობის შესახებ ეროვნული მოხსენების (2018-2021 წლები) შემუშავება განპირობებულია საქართველოს კანონმდებლობით. გარემოს მდგომარეობის შესახებ ეროვნული მოხსენება წარმოადგენს ქვეყანაში არსებული ინფორმაციის შემაჯამებელ დოკუმენტს, რომელიც, ეროვნული კანონმდებლობისა და გაეროს ევროპის ეკონომიკური კომისიის “გარემოსდაცვით საკითხებთან დაკავშირებული ინფორმაციის ხელმისაწვდომობის, გადაწყვეტილების მიღების პროცესში საზოგადოების მონაწილეობის და ამ სფეროში მართლმსაჯულების შესახებ” კონვენციის (ორჰუსის კონვენცია) შესაბამისად, 4 წელიწადში ერთხელ მზადდება. ეროვნული მოხსენების მიზანია გადაწყვეტილების მიმღები პირებისა და ფართო საზოგადოების ინფორმირება საქართველოში გარემოსთან დაკავშირებით არსებული სიტუაციის შესახებ. ამ უკანასკნელში წყლის რესურსებისა და შავი ზღვის თემები დამოუკიდებელ თავებად იქნა ჩამოყალიბებული.

ჩამოტვირთეთ 2018-2021 წლების გარემოს მდგომარეობის შესახებ ეროვნული მოხსენება

საქართველოს გარემოს დაცვის მოქმედებათა მესამე ეროვნული პროგრამის შემუშავება განპირობებულია როგორც საქართველოს კანონმდებლობის, ისე ქვეყნის მიერ აღებული საერთაშორისო ვალდებულებებიდან. 1996 წლის კანონი „გარემოს დაცვის შესახებ“ მოითხოვს გარემოს დაცვის მოქმედებათა ეროვნული პროგრამის რეგულარულ, ხუთწლიანი პერიოდით შემუშავებასა და განხორციელებას. „გარემოს დაცვის მოქმედებათა ეროვნული პროგრამა“ მოიცავს ყველა ეროვნულ და სექტორულ გარემოსდაცვით სტრატეგიულ მიმართულებას საქართველოში და, ასევე, ინსტიტუციურ და ადმინისტრაციულ საკითხებს.

ჩამოტვირთეთ საქართველოს გარემოს დაცვის მოქმედებათა მესამე ეროვნული პროგრამა (2017-2021)

გარემოს მდგომარეობის შესახებ ეროვნული მოხსენების შემუშავება განპირობებულია საქართველოს კანონმდებლობით. 1996 წლის კანონი „გარემოს დაცვის შესახებ“ მოითხოვს ეროვნული მოხსენების რეგულარულ, 4 წელიწადში ერთხელ მზადებას. ეროვნული მოხსენება წარმოადგენს საქართველოს გარემოს მდგომარეობის შესახებ არსებული ინფორმაციის შემაჯამებელ დოკუმენტს, რომლის მიზანია გადაწყვეტილების მიმღები პირებისა და ფართო საზოგადოების დეტალური ინფორმირება.

ჩამოტვირთეთ 2014-2017 წლების გარემოს მდგომარეობის შესახებ ეროვნული მოხსენება

ტრანსსასაზღვრო მდინარეების, ტბებისა და მიწისქვეშა წყლების UNECE-ის მეორე შეფასება წარმოადგენს ყოვლისმომცველ მიმოხილვას ტრანსასაზღვრო წყლების სტატუსის შესახებ, UNECE-ის რეგიონის ევროპისა და აზიის ნაწილში, რომელიც მოიცავს: 140-ზე მეტ ტრანსსასაზღვრო მდინარეს, 25 ტრანსსასაზღვრო ტბას, 200-მდე ტრანსსასაზღვრო მიწისქვეშა წყლებსა და 25 რამსარის საიტს ან სხვა ტრანსსასაზღვრო მნიშვნელობის ჭარბტენიან ტერიტორიებს.

ჩამოტვირთეთ ანაგარიშის PDF ვერსია (ENG)

ჩამოტვირთეთ ანგარიშის შემაჯამებელი რეზიუმე PDF ვერსია (ENG)

საქართველოს გარემოსდაცვითი საქმიანობის ეფექტიანობის მესამე მიმოხილვა აფასებს საქართველოს გარემოსდაცვითი მმართველობის სფეროში არსებულ მდგომარეობას, აანალიზებს გარემოსდაცვითი ეფექტიანობის შეფასების 2010 წელს განხორციელებული მეორე მიმოხილვის რეკომენდაციების შესაბამისად განხორციელებულ საქმიანობას, განიხილავს მიღწეულ პროგრესს და აყალიბებს რეკომენდაციებს საქართველოს მთავრობისთვის ქვეყანაში გარემოსდაცვითი მმართველობის გაუმჯობესების კუთხით. მესამე მიმოხილვა მოიცავს გარემოსდაცვითი პოლიტიკის შემუშავების, განხორცილებისა და ფინანსირების საკითხებს. ის აგრეთვე განიხილავს წყლის მართვის საკითხებს საქართველოში, რომელიც მოიცავს შავი ზღვის დაცვას.

ჩამოტვირთეთ მოკლე შინაარსი PDF ვერსია (ENG)

ჩამოტვირთეთ მნიშვნელოვანი საკითხები PDF ვერსია (ENG)

ღია მონაცემების მზაობა ევროპაში – 2018

ანგარიში განსაზღვრავს ევროპაში ღია მონაცემებთან დაკავშირებულ მდგომარეობას და მოიცავს ევროპის ქვეყნების იმ ქმედებებს, რომლებმაც განაპირობა პროგრესი ღია მონაცემებთან მიმართებაში. გარდა ამისა, 2018 წლის ანგარიში აღნიშნავს, თუ როგორ შეიძლება ღია მონაცემები გამოყენებული იყოს სტრატეგიულ აქტივებად, ევროპაში წარმატებული ტრანსფორმაციის უზრუნველსაყოფად. ანგარიშში მოცემულია კონკრეტული რეკომენდაციები, თუ როგორ შეუძლიათ ქვეყნებს ღია მონაცემების მიმართულებით მიაღწიონ პროგრესს, სხვადასხვა ასპექტების გადაწყვეტით, დაწყებული მმართველობით, მაღალხარისხიანი მეტამონაცემების გამოქვეყნებით და მიღწეულის ზემოქმედების გაზომვითა და დემონსტრირებით.

ჩამოტვირთეთ ანგარიშის PDF ვერსია (ENG)

საქართველოს ღია მონაცემთა მზაობის ანგარიშის პროექტი, 2019

ქვეყნაში ღია მონაცემების მდგომარეობის შესახებ ანგარიში ეფუძნება 2018 წლის ოქტომბრამდე არსებულ საჯაროდ ხელმისაწვდომ ინფორმაციას. აღნიშნული ანგარიში არ წარმოადგენს ქვეყანაში გარემოსდაცვითი ინფორმაციის, ღია მონაცემებისა და ელექტრონული მმართველობის ყოვლისმომცველ ანალიზს, არამედ ის ასახავს ძირითად ელემენტთა ერთობლიობას, რომლებიც ახდენს ქვეყანაში ეკოლოგიური ინფორმაციის სურათის ფორმირებას.

სსიპ გარემოს ეროვნული სააგენტო ამზადებს საქართველოს ტერიტორიაზე ზედაპირული წყლების ხარისხის წელიწდეულს, ზედაპირულ წყლებზე ჩატარებული ქიმიური და მიკრობიოლოგიური ანალიზების შედეგების და ასევე ჰიდროლოგიური კვლევის შესწავლის საფუძველზე.

წლიური ანგარიში 2015 (PDF)- ჩამოტვირთვა

წლიური ანგარიში 2016 (PDF)- ჩამოტვირთვა

წლიური ანგარიში 2017 (PDF)- ჩამოტვირთვა

წყლის-საკვების-ენერგიის-ეკოსისტემების ურთიერთკავშირის შეფასება ალაზანი/განიხის აუზში წარმოადგენს გაეროს ევროპის ეკონომიკური კომისიის (UNECE) წყლის კონვენციის სამუშაო პროგრამის ფარგლებში განხორციელებულ ინიციატივას. ურთიერთკავშირის შეფასების ამოცანებს წარმოადგენს: მმართველობის კონტექსტის აღწერა, აუზის რესურსებზე ზეწოლის ძირითადი ფაქტორების იდენტიფიცირება, დარგთაშორისი პრობლემების იდენტიფიცირება და ანალიზი, პოტენციური გადაწყვეტილებების ძიება აუზის რესურსების მართვით მიღებული სარგებლის გასაზრდელად.

ჩამოტვირთეთ ურთიერთკავშირის შეფასება

წყალდიდობების რისკების მართვა - საქართველო (2019-2020) შემუშავდა გლობალური გარემოსდაცვითი ფონდისა და გაეროს განვითარების პროგრამის (UNDP-GEF) პროექტის "მტკვარი II: წყლის რესურსების ინტეგრირებული მართვის ხელშეწყობა მდინარე მტკვრის აუზში ტრანსსასაზღვრო შეთანხმებული ქმედებების და ეროვნული გეგმების განხორციელების საშუალებით" ფარგლებში. დოკუმენტი ასახავს წყალდიდობების რისკების მართვის არსებულ პრაქტიკას საქართველოში.

ჩამოტვირთეთ დოკუმენტი